|
آه .. لا ( لاح) شوقـك ورعـدن المـزون وآه ..لاشحْـت كفـوف المـزن بالمطـر
|
وآه .. لاصـرت كلـك بالمحبـه طعـون طعنتـن فالصميـم وطعنـتـن فالظـهـر
|
وآه .. ياغصني اللي غير كـل الغصـون ماتمايـل عـلـي ولا قطـفـت الثـمـر
|
ياغناتـي غيابـك زاد فــي الشـجـون آه .. حتـى هنـادي مالقـت لـك أثــر
|
وينك ؟؟ أرجع ... وجرني قبل ريب المنون جعل ربـي يجيـرك مـن عـذاب القبـر
|
اعرف أني .. من الخفرات بنت (ن) مصون كالذهـب معدنـي فاليسـر وإلا العـسـر
|
فيني مـن الصفـات النـادره كـل لـون أن بغيـت الطيابـه وأن بغيـت القـشـر
|
مـا هقيـت العـذارى مثلـي بينجـبـون أنت فاهـم عليـا ياعيـون الصقـر ؟؟؟؟
|
واعرف أني .. ولو وصلت حـد الجنـون أختلف في جنونـي عـن جنـون البقـر
|
قصة (( البدر)) تذكر ؟؟ والبنات المجـون ماألعب الدور فيها .. كـان عنـدك خبـر
|
قصتن ما نسوهـا النـاس عبـر القـرون شغـل الذاكـره فيهـا وعـيـد النـظـر
|
يوم هل البدر من كـون وارسـى بكـون اجرحـن السلـوم .. ومـزقـن السـتـر
|
ايهبون .. ايهبون .. ايهبـون .. ايهبـون كـن ماعمرهـن فيـوم شـافـن قـمـر
|
والله .. أن قالـه الله فيـك مايفـرحـون وباكر اتشوف .. كان الله عطانـي عمـر
|
واعرف أني .. ماجيت اسرج خيولي بدون شـي يجبـر خفوقـي وادري أنـه جبـر
|
وجيت ابرهن غرام (ن) فوق كل الظنـون جيت ابنثر شعـوري وأنتثـر لـك عطـر
|
أنت نبع المشاعر .. والدفـا .. والسكـون وأنته أول محطـه .. وأنتـه آخـر ممـر
|
وأنته أجمل قصيده .. وأنته اعذب لحـون تعزف الحب في قلبي علـى أقصـى وتـر
|
وأنت كل الزوايا .. وأنـت كـل الركـون وأنت (( حاكم )) حياتي وأنت وال الامـر
|
ياخـي اعـرف غـلاك وخلهـم يعرفـون يـوم أحبـك وأحـب أداعبـك بالشـعـر
|
من كثر ماعشقك شبيت حرب (ن) طحـون بـس ابعقـد معـك هدنـه لمـدة شهـر
|
وبعدها .. نجتمع واناقـش اللـي يكـون المهـم ... حـدد الموعـد وسـم المقـر
|
كـان حبيتنـي واغليتـنـي يالحـنـون تاج حبك علـى راسـي .. ولـي الفخـر
|
وكان أنـا بالمحبـه لـك مجـرد زبـون قول لي يالغلا ... والكـم جزيـل الشكـر
|
لكن أن جيت يمي... ثايـر(ن) وامغبـون واستعديـت للمـوعـد بجـنـد وخـفـر
|
والله أني... لا اغطـي عاتقـي والمتـون ليلتـن معتمـه ..... واضيعـك بالشعـر
|
واتصدى برمشـي ... واذبحـك بالعيـون وادفنـك يابعـد روحـي بوسـط الصـدر
|
وأنت لا مت.. جندك ويـش بايصنعـون؟؟ وقتهاعـاد بيقولـوا "" قضـاء وقــدر
|
موضوع: ........عـــيـــون الـــصـــقـــر ......... 
السبت أكتوبر 17, 2009 10:37 am
