| | قصة حقيقية في دبي |  |
|
|
| كاتب الموضوع | رسالة |
|---|
مـجـهـۉلـة الـجـرح
عضو ذهبي
 تاريخ التسجيل : 08/05/2009
عدد المساهمات : 4242
تاريخ الميلاد : 21/02/1989
العمر : 35
الموقع : ≥.≤ هـآآوآآيـــ ≥.≤
المزاج : o.O''
جنسيتك : اماراتية
نقاط : 7576
السٌّمعَة : 30
 |  موضوع: قصة حقيقية في دبي  الخميس مايو 28, 2009 1:54 pm | |
| بسم الله الرحمن الرحيم
السلام عليكم...
في يوم الاثنين
الموافق 7-1-1986
الساعه 7:15 الفجر
المكان
مستشفى راشد في دبي
طلعت الممرضه من غرفة الولاده و شافت علي يالس على الكرسي
ويدعي ربه ان الولاده تتم على خير
يت الممرضه عداله
الممرضه : "..sir.. mabrook .. you got aboy .."
( مبروك ياك ولد)
علي من الفرحه شوي و بيطير من مكانه
اخيرا ربي رزقني بالولد
الحمد لله و الشكر
شاف علي ولده و استانس و فرح و سماه محمد
في الغرفه
علي : " الحمد لله على السلامه يا ام محمد"
ام محمد : "الله يسلمك .. اخيرا تحقق الحلم ويا محمد "
>
وتموا يرمسون عن احلامهم في المستقبل
محمد من يوم هو صغير
كان يجنن والممرضات متخبلات عليه
اليوم الثاني
الصبح الساعه 9
دخلت الممرضه تنظف الحجره
محمد كان في المنز عدال امه
والام شبه راقده
الياهل مثل ما كل اليهال وهم صغر
توه راضع و زاع
الممرضه يوم زاع
شلته و حطت بطنه على ايدها و قامت تضربه على ضهره
ام محمد فزت من النوم و فتنت عليها و شلت الولد
ما مرت دقيقتين الا محمد يزوع مره ثانيه
بس هالمره الزواع لونه وردي
مش طبيعي
زقرت ام محمد الدكتور و خبرته
شلو عنها محمد و راحوا
و عقب شوي ياها الدكتور و قاللها تطمني
بس قلب الام
ام محمد على طول اتصلت في علي وقالتله تعال المستشفى
علي كان رايح العين
لانه يداوم هناك
و كان على اساس ان ام حرمته بتسير تيلس عندها
قالتله ام محمد
الحين ترد
ما تسير
رجع علي باسرع ما يمكن
و حصلله رادار في الطريق صورة
من وصل المستشفى خبرته ام محمد بالسالفه
سار يدور الياهل
ما لقاه في الحضانه
طلب الدكتور و يوم يا قالله وين ولدي
الدكتور : " ابنك موقود ..كا تخفش.. مافيش اي حاجه "
بو محمد رد الحجره و يلس ويا حرمته يتريا اييبون الاهل
عقب شوي دخلت ممرضه تصيح
هالممرضه كانت الوحيده المسلمه في هالقسم
علي: " .. خير شو فيج ؟؟"
الممرضه : " بابا... مال انته بجا واجد تعبان... ممكن موت .. كلش دم يجي من هلج مال هو .."
ام محمد من سمعة هالرمسه اضلمت الدنيا في عينها
و يتعافدن الممرضات ينعشنها
بومحمد سار عند الدكتور و قبضه من رقبته
وقالله الحين ابا اشوف ولدي و لا تراني باجتلك
و عقب بو محمد عرف السالفه كلها
و الصدمه
محمد عنده نزيف داخلي--- ثقب في الحجاب الحاجز للقلب
علي : " ... دكتور .. ولدي بيموت وانتو مخبين علي.. شو ممكن نسويله الحين.."
الدكتور : " الصراحه ما اعرف شو اقوللك... نحنا ممكن نسويله عمليه نلحم فيها الحجاب الحاجز.. بس نسبة النجاخ فيها 3% "
علي :" لا حول ولا قوة الا بالله العلي العظيم .. حسبي الله و نعم الوكيل "
مرت الايام
و علي مب عارف شو يسوي
شهر مر و محمد عايش على الاجهزه
ابو علي قالله خلنا نسفره برع
بس المشكله ان حالته ما تسمح بالسفر
الدكتور طلب يقابل علي
علي :" دكتور طلبتني ..."
الدكتور : " هي نعم ... يا علي حالة ولدك صعبه و نسبة نجاح العمليه تكاد تكون معدومه .... شو رايك تتبرع بولدك لخدمة الانسانيه و نحن عندنا خبير الاماني يبا يجرب علاج جديد للقلب.. فشو رايك تتبرعلنا بولدك"
( على ذمتي ان كل كلمه من هالحوار صحيحه)
علي شو وكان بيقتل الدكتور
بس الدكاتره الباقين قبظوه
اليوم الثاني سائت حالت محمد
الساعه 2 في الليل اتصلوا المستشفى و قالوا ان النزيف اشتد و لازم تتسوى العمليه خلال 6 ساعات ولا الولد بيموت
بو محمد يالس على نار
اتصلبه ابوه و قالله لا تسوي العمليه
بنحجز طياره طبيه خاصه و بنطرشه برع يعالج
علي قاله لا
انا بستخير و بشوف
بو محمد استخار ربه و قرر يسوي العمليه
الساعه 6:15 الصبح محمد داخل غرفت العمليات
و امه يالسه عند الباب تصيح و تذكر ربها
الساعه 7 ..... ماشي خبر
الساعه 8 ... ماشي خبر
الساعه 9 ... طلع الدكتور و قال الحمد لله لحمنا الحجاب الحاجز و القلب بعده يدق بس باقي نسكر مكان العمليه
ام محمد الله سجدت لربها شكر في الممر و تمت تصيح
رجع الدكتور غرفت العمليات
الساعه 12:30 طلع و ويهه كله عرق
و نظراته حزينه
قال حق بومحمد : " للاسف اخ علي ... من عقب ما سكرنا الجرح و قف القلب..."
بو محمد : " لاحول ولا قوة الا بالله .. اللهم اجرني في مصيبتي و اخلفلي خيرا منها..انا لله وانا اليه راجعون "
الدكتور تعجب من ردت فعل علي و توقع انه يصيح و يولول
ام محمد : " لا حول ولا قوة الا بالله.. بس لا ... ولدي ما مات.. انا متأكده "
الدكتور : " انا اقوللج قلبه و قف تقوليلي ما مات "
ام محمد : " انت ما تعرف شي.. انا في داخلي شعور يقوللي و لدج حي .. و انا مؤمنه بربي و متأكده انه ما بيخذلني"
ما لحقت ام محمد تخلص كلامها الا النيرس طالعه تصارخ
"his heart is beating again... i cant believe it"
( ما اقدر اصدق ... قلب الولد رجع يدق)
الدكتور ما عرف شو يقول
تم يطالع ام محمد اللي كانت متغطيه من راسها لين ريلها
و يقول في خاطره : " من وين لها كل هالقوه و الصبر"
( عقب بتعرفون كيف عرفت اللي في خاطره )
رجع الدكتور غرفة العمليات
و تم فيها 3 ساعات
قلب محمد يدق و عقب يرجه يوقف
عقب ما خلصت العمليه و استقر قلب محمد
نقلوه غرفة العنايه المركزه
الحين عمر محمد شهر و نص
بعد 3 ايام فتح محمد عينه
طبعا من عقب العمليه كان ممنوع حد يدخل عنده
حتى امه
يوم فتح محمد عينه فرحت امه
و بطلت شنطتها و ما خلت فيها شي
فلوس و ذهب
كل شي وزعته
و تمت تشكر ربها على ان ولدها فتح عينه من اول و يديد
بس الفرحه ما تكتمل
اليوم الثاني ياها الخبر
و الله محمد عنده تسمم بكتيري في الدم
بسب تلوث شي من المعدات اللي استخدمت في العمليه
بس تمت صامده
وكان محمد كل يوم يغيروله دم 3 مرات
ذبل و شحب
و امه صابره
بعد 3 اسابيع شفي من المرض
وبعد ما طلعوه من العنايه المركزه
ام محمد يالسه في الحجره تطالعه و تقرا عليه
و تطالع آثار العمليه اللي في بطنه
دخل الدكتور الماني
يلس الدكتور وقال حق ام محمد ممكن اكلمج في موضوع خارج شغلي
ام محمد تمت ساكته
قاللها : " انا ابا اعرف انتي شو اللي كان مثبتنج و مخلنج تصبرين كل هالمده "
ام محمد : " و هي ماسكه المصحف في ايدها .. ربي و هذا.. وانا كنت واثقه ان ربي ما بيخذلني و قرتله الآيه اللي تقول : "وقال ربكم ادعوني استجب لك " و قالتله ان اللي يتوكل على الله خلاص ما يهمه شي"
الدكتور ما علق و طلع من الحجره
اول ما وصل علي يا الدكتور وقالله ابا ارمسك في شي خصوصي شوي
علي طلع وياه الممر و قالله تفضل
الدكتور : " ممكن اعرف ليش حرمتك جيه متغطيه ... حتى شو لونها ما يبين "
بو محمد : " انا بقوللك ليش ... نحن عدنا الحرمه مثل الجوهره الثمينه .. لازم نغطيها و نحفضها من عيون الناس و تكون حق صاحبها و بس "
الدكتور : " والله ان هذا هو اكران الحرمه ... بو عبدالله انا قررت شي .. و ابا اقوللك اياه"
بو محمد : "قول"
الدكتور : " أشهد ان لا اله الا الله و ان محمد رسول الله "
بو محمد : " الله اكبر .. الله اكبر"
و اسلم الدكتور من ورا قصة عبدالله و امه
هذه قصة حقيقيه
محمد الحين عمره 19 سنه
وهوطالب في جامعة الامارات
يدرس في كلية الاداره
| |
|
 | |
miley
المديرة
 تاريخ التسجيل : 07/01/2008
عدد المساهمات : 8236
تاريخ الميلاد : 21/11/1967
العمر : 57
الموقع : 東京
المزاج : RocK
الأوسمة : 
جنسيتك : اماراتية
نقاط : 1662
السٌّمعَة : 41
| | موضوع: رد: قصة حقيقية في دبي الخميس مايو 28, 2009 2:20 pm | |
| سبحان الله !
مشكوورة اختي ع الموضوع و القصة الحلوة ^^
تسلمين و ما قصرتي ^^
و يعطيج الف عافية ,, | |
|
| | |
مـجـهـۉلـة الـجـرح
عضو ذهبي
تاريخ التسجيل : 08/05/2009
عدد المساهمات : 4242
تاريخ الميلاد : 21/02/1989
العمر : 35
الموقع : ≥.≤ هـآآوآآيـــ ≥.≤
المزاج : o.O''
جنسيتك : اماراتية
نقاط : 7576
السٌّمعَة : 30
| | موضوع: رد: قصة حقيقية في دبي الخميس مايو 28, 2009 2:21 pm | |
| العفوو
و الله يسلمج
و مشكووورة عالمرو و الرد الحلو | |
|
| | |
hana
مشرفة قسم الدردشة
 تاريخ التسجيل : 05/03/2008
عدد المساهمات : 7196
تاريخ الميلاد : 05/04/1996
العمر : 28
المزاج : برردانه
جنسيتك : اماراتية
نقاط : 2118
السٌّمعَة : 1
| | موضوع: رد: قصة حقيقية في دبي الجمعة مايو 29, 2009 1:09 am | |
| مشكووووورة حبوبة
الصراحة القصة وايد عيبتني
بس هذا الدكتور المصري صدق بذبحة يقهر | |
|
| | |
مـجـهـۉلـة الـجـرح
عضو ذهبي
تاريخ التسجيل : 08/05/2009
عدد المساهمات : 4242
تاريخ الميلاد : 21/02/1989
العمر : 35
الموقع : ≥.≤ هـآآوآآيـــ ≥.≤
المزاج : o.O''
جنسيتك : اماراتية
نقاط : 7576
السٌّمعَة : 30
| | موضوع: رد: قصة حقيقية في دبي الجمعة مايو 29, 2009 1:36 am | |
| العفوو اختي
و شكرا عالمرور و الرد
تسلمين | |
|
| | |
venessa
عضو فضي
 تاريخ التسجيل : 02/08/2008
عدد المساهمات : 314
تاريخ الميلاد : 03/12/1997
العمر : 26
المزاج : StIlL cOoL
جنسيتك : اماراتية
نقاط : 277
السٌّمعَة : 0
| | موضوع: رد: قصة حقيقية في دبي الجمعة مايو 29, 2009 12:46 pm | |
| مشكوووووووووووووووووووووورة صراحة القصة واااااااايد حلوة
تسلم اديج | |
|
| | |
مـجـهـۉلـة الـجـرح
عضو ذهبي
تاريخ التسجيل : 08/05/2009
عدد المساهمات : 4242
تاريخ الميلاد : 21/02/1989
العمر : 35
الموقع : ≥.≤ هـآآوآآيـــ ≥.≤
المزاج : o.O''
جنسيتك : اماراتية
نقاط : 7576
السٌّمعَة : 30
| | موضوع: رد: قصة حقيقية في دبي الجمعة مايو 29, 2009 3:04 pm | |
| العفوو اختيي
و الله يسلمج
ثااانكس عالمرور | |
|
| | |
kairi
مشرفة عامة
تاريخ التسجيل : 02/03/2008
عدد المساهمات : 6323
تاريخ الميلاد : 04/04/1995
العمر : 29
الموقع : في نقابة Fairy Tail XD KYAAA !!!
المزاج : CHEERFULL!!
جنسيتك : اماراتية
نقاط : 1009
السٌّمعَة : 12
| | موضوع: رد: قصة حقيقية في دبي الأربعاء يونيو 03, 2009 11:52 am | |
|
مشكووووووووورة خيتوووو تسلميييييين
انتوا لو ادققون في مجرى حياتكم بعد ترى وااايد بتشوفون قصص
تسلميييييين خيتووووو ع الموضوع القصة وااااااااايد
حللللوة ما قصرتي يعطيج العافية ^^
| |
|
| | |
مـجـهـۉلـة الـجـرح
عضو ذهبي
تاريخ التسجيل : 08/05/2009
عدد المساهمات : 4242
تاريخ الميلاد : 21/02/1989
العمر : 35
الموقع : ≥.≤ هـآآوآآيـــ ≥.≤
المزاج : o.O''
جنسيتك : اماراتية
نقاط : 7576
السٌّمعَة : 30
| | موضوع: رد: قصة حقيقية في دبي الأربعاء يونيو 03, 2009 1:29 pm | |
|
العفوو ..
اللهـ يسلمجـ
و انتي الاحلى كايري
هي انا وايد قصص استوتلي ههه
و تسلمين عالمرور
| |
|
| | |
توته حتوته
عضو ذهبي
 تاريخ التسجيل : 27/01/2009
عدد المساهمات : 1460
تاريخ الميلاد : 03/07/1995
العمر : 29
الموقع : النت
جنسيتك : سعودية
نقاط : 2050
السٌّمعَة : 13
| | موضوع: رد: قصة حقيقية في دبي الإثنين أغسطس 03, 2009 11:16 am | |
| مشكورة خيتو ع الموضوع
والقصة الحلوة مثلج | |
|
| | |
مـجـهـۉلـة الـجـرح
عضو ذهبي
تاريخ التسجيل : 08/05/2009
عدد المساهمات : 4242
تاريخ الميلاد : 21/02/1989
العمر : 35
الموقع : ≥.≤ هـآآوآآيـــ ≥.≤
المزاج : o.O''
جنسيتك : اماراتية
نقاط : 7576
السٌّمعَة : 30
| | موضوع: رد: قصة حقيقية في دبي الإثنين أغسطس 03, 2009 11:20 am | |
| العفوو ^^
انتي الاحلى ..
يسلموو عالرد و المرور | |
|
| | |
| | قصة حقيقية في دبي | |
|
